web analytics
ජාතික ඔලිම්පික් කමිටුව ජාත්‍යන්තර ඉ-ක්‍රීඩා තරගාවලි සංවිධාන කිරීම සඳහා Gamer.LK සමග අත්වැල් බැඳ ගනී

ජාතික ඔලිම්පික් කමිටුව ජාත්‍යන්තර ඉ-ක්‍රීඩා තරගාවලි සංවිධාන කිරීම සඳහා Gamer.LK සමග අත්වැල් බැඳ ගනී

ශ්‍රී ලංකාවේ මෙන්ම දකුණු ආසියාවේ ද ඉ-ක්‍රීඩා ක්ෂේත්‍රයේ පුරෝගාමී මෙහෙවරක නිරතවන Gamer.LK, ශ්‍රී ලංකාව කලාපයේ ඉ-ක්‍රීඩා කේන්ද්‍රස්ථානයක් බවට පත් කිරීම සඳහා ශ්‍රී ලංකා ජාතික ඔලිම්පික් කමිටුව (NOC SL) සමග අත්වැල් බැඳ ගත්තේය. InGame Entertainment මවු සමාගමට අනුබද්ධිත සන්නාමයක්වන Gamer.LK, 2007 වසරේ සිට ඉ-ක්‍රීඩා ප්‍රවර්ධනය කිරීම සඳහා කැපවී සිටී. මෙම හවුල්කාරිත්වය යටතේ, ඉ-ක්‍රීඩා ක්ෂේත්‍රය පිළිබඳ Gamer.LK සතු විශේෂඥ දැනුමත්, මහා පරිමාණ ජාත්‍යන්තර ක්‍රීඩා ඉසව් සංවිධාන කිරීම සඳහා ජාතික ඔලිම්පික් කමිටුව සතු විශේෂඥ දැනුමත් සුසංයෝගයක් ලෙස ක්‍රියා කරනු ඇත. 2020 ජනවාරි මාසයේදී පැවැත්වෙන InGame ඉ-ක්‍රීඩා දකුණු ආසියානු කුසලානය එලෙස සංවිධාන කෙරෙන ප්‍රථම ජාත්‍යන්තර තරගාවලියවන අතර කලාපයේ විශිෂ්ටත ම CS:GO කණ්ඩායම් හයක් එහි තරග වැදීම සඳහා දිවයිනට පැමිණීමට නියමිතය.

“මෙය හවුල්කාරිත්වයක් පමණක් නොවේ. මෙය පුළුල් දැක්මක් සහිත ක්‍රමෝපායික ක්‍රියාමාර්ගයක් ලෙස හැඳින්විය හැකියි. ඉ-ක්‍රීඩා යනු මේවන විටත් ජාත්‍යන්තර ඔලිම්පික් කමිටුව පිළිගෙන ඇති ඉසව්වක් වන අතර 2018 වසරේදී පැවති ආසියානු ක්‍රීඩා උළෙලේදී එම ඉසව්ව ප්‍රදර්ශන ඉසව්වක් ලෙස පැවැත්වුණා. එබැවින් එය 2020 දී ටෝකියෝ නුවරදී පැවැත්වෙන ඔලිම්පික් තරගාවලියේදී එක් තරග ඉසව්වක් ලෙස දැකගත හැකිවනු ඇති. කෙසේවෙතත්, 2022 දී චීනයේ හැංසෝහිදී පැවැත්වෙන ආසියානු ක්‍රීඩා උළෙලේදී මෙය පූර්ණ පදක්කම් ප්‍රදානය කෙරෙන ඉසව්වක් ලෙස සංවිධාන කෙරෙනවා. එබැවින්, ජාත්‍යන්තර ඔලිම්පික් කමිටුව ඉ-ක්‍රීඩා කෙරෙහි විශේෂ අවධානයක් යොමු කර ඇති මෙවැනි අවස්ථාවක අප වඩාත් කාලෝචිත ක්‍රියාමාර්ගයක් ගෙන තිබෙන බව සඳහන් කළ හැකියි,” යනුවෙන් ජාතික ඔලිම්පික් කමිටුවේ මහලේකම් මැක්ස්වෙල් ද සිල්වා මහතා සඳහන් කළේය.

ශ්‍රී ලංකා ඉ-ක්‍රීඩා සංගමයේ ආරම්භක සභාපති මෙන්ම Gamer.LK ආයතනයේ ප්‍රධාන විධායක නිලධාරී රවීන් විජයතිලක මහතා සඳහන් කළේ, මෙම හවුල්කාරිත්වය සමග ශ්‍රී ලංකාව ඉ-ක්‍රීඩා ක්ෂේත්‍රයේ කලාපීය ප්‍රමුඛයෙකු ලෙස තවදුරටත් ස්ථාපිත කිරීමට හැකි වන බවයි. “ජාතික ඔලිම්පික් කමිටුව ඉදිරිගාමී දැක්මකින් යුතුව කටයුතු කරමින්, නුදුරු අනාගතයේදී ක්‍රීඩා ක්ෂේත්‍රයේ දැවැන්ත ම වෙනසක් ඇති කරන ඉ-ක්‍රීඩා ක්ෂේත්‍රය තුළ ශ්‍රී ලංකාව ඔසොවා තැබීම සඳහා නායකත්වය ලබා දීම පිළිබඳ අප බෙහෙවින් සතුටු වනවා.”

තරගාවලි සඳහා සහභාගීවන තරගකරුවන්ගේ සංඛ්‍යාව සහ නරඹන්නන්ගේ පැමිණීම පිළිබඳ සැලකීමේදී ඉ-ක්‍රීඩා ශ්‍රී ලංකාවේ ශීඝ්‍රයෙන් ම වර්ධනයවන ක්ෂේත්‍රය ලෙස මෑතකදී හඳුනා ගෙන ඇත. වීඩියෝ ක්‍රීඩාවල තරගකාරී ස්වරූපය ඉ-ක්‍රීඩා මගින් නිරූපණය කෙරෙන අතර එය වෘත්තීය ක්‍රීඩාවක් ලෙස ගෝලීය වශයෙන් ද, පසුගිය වසරේ සැප්තැම්බර් මසදී මෙරට ක්‍රීඩා අමාත්‍යංශය ද පිළිගෙන ඇත.

ශ්‍රී ලංකා ජාතික ඔලිම්පික් කමිටුව Gamer.LK සහ ශ්‍රී ලංකා ඉ-ක්‍රීඩා සංගමය සමග එක්ව කටයුතු කරමින් ඉ-ක්‍රීඩා ප්‍රවර්ධනය කිරීමේ එක් පියවරක් ලෙස 18 වන ආසියානු ක්‍රීඩා උළෙල සඳහා ශ්‍රී ලංකාවෙන් ජාතික ඉ-ක්‍රීඩා කණ්ඩායමක් යොමු කිරීමට කටයුතු කළේය. ඉදිරි වසර පහක කාලය සඳහා ජාත්‍යන්තර ඉ-ක්‍රීඩා තරගාවලි සඳහා ශ්‍රී ලංකාව නියෝජනය කළ හැකි දක්ෂයන් හඳුනා ගැනීමේ අරමුණින් මේ වසරේ සැප්තැම්බර් මස 18 වනදා සංවිධාන කෙරුණු අන්තර්-පාසල් ඉ-ක්‍රීඩා ශූරතාවලියට ද ජාතික ඔලිම්පික් කමිටුවේ අනුග්‍රහය හිමි විය. දිවයින පුරා පාසල් 150 කට අධික සංඛ්‍යාවක් මෙම තරගාවලිය සඳහා ලියාපදිංචි වූ අතර ක්‍රීඩාව නගරයට පමණක් සීමා වී නොමැති බව එමගින් මනාව පිළිබිඹු විය.

ශ්‍රී ලංකා ජාතික ඔලිම්පික් කමිටුවේ මහලේකම් මැක්ස්වෙල් ද සිල්වා මහතා (වමේ සිට දෙවැන්නා) InGame Entertainment සමාගමේ ප්‍රධාන විධායක නිලධාරී රවීන් විජයතිලක මහතා සමග ගිවිසුම හුවමාරු කර ගත් අවස්ථාව ඡායාරූපයේ දැක්වෙයි. ශ්‍රී ලංකා ජාතික ඔලිම්පික් කමිටුවේ උපදේශක ගෝබිනාත් ශිවරාජා, එම කමිටුවේ මාධ්‍ය අංශයේ ප්‍රධානී එස්.ආර්. පතිරවිතාණ සහ InGame Entertainment සමාගමේ අධ්‍යක්ෂ විකුම් ජයසේකර යන මහත්වරු ද ඡායාරූපයේ වෙති.

nA Archon කණ්ඩායම TM Zu පරදවා රුපියල් ලක්ෂයක මුදලක් SINGER ROG Challenge ’19 හි දිනාගනී

nA Archon කණ්ඩායම TM Zu පරදවා රුපියල් ලක්ෂයක මුදලක් SINGER ROG Challenge ’19 හි දිනාගනී

Noob Alliance Archon කණ්ඩායම SINGER ROG Challenge හි පළමු ස්ථානය ලබාගෙන රුපියල් ලක්ෂයක මුදලක් දිනාගනී. 2-1 ලකුණු ප්‍රමාණයක් ලබාගෙන Tech Morph Zu කණ්ඩායම අවසන් මහා තරඟයෙන් පරාජය කරමින් මේ ජයග්‍රහණය ලබා ඇත.

තවද දෙවන ස්ථානයට පත්  TM Zu කණ්ඩායම රුපියල් 50,000 මුදලක් දිනාගනු ලැබුවේය.

අනෙකුත් මුදල් ජයග්‍රහණ පහත පරිදි වේ : 

M-eS – iMex : Rs. 30,000
Evox – rattz : Rs. 20,000
TM – WalkTheTalk : Rs. 12,500
Evox – Krossbones : Rs. 12,500
M-eS – Team Rogue : Rs. 12,500
Team z : Rs. 12,500

ඔබට තරඟාවලියේ අස්වසන අදියරේ live stream එක පහත links වලින් බලගතහැකි වේ :

පළමු කොටස : https://www.youtube.com/watch?v=mIkF2Q8dpDI
දෙවන කොටස (අවසන් තරඟය ඇතුළුව ) : https://www.youtube.com/watch?v=05T-20c5zUA

ලංකාවේ Esports newsදැනගැනීමට අප සමග එකතුවී සිටින්න!
Stay tuned to Gamer.LK for more Sri Lankan Esports news!

නීති විරෝධී ලෙස game accounts හුවමාරු කරගත් තරඟකරුවන් කිහිප දෙනෙකුට  තරඟ තහනමක්.

නීති විරෝධී ලෙස game accounts හුවමාරු කරගත් තරඟකරුවන් කිහිප දෙනෙකුට තරඟ තහනමක්.

පසුගිය මාර්තු මාසයේ පැවති ‘Battle of the Mortal Gods’ – DOTA 2 online Ranked තරඟාවලියේ තරඟ නීති උල්ලංගනය කරමින් game accounts හුවමාරු කරගත් තරඟකරුවන් 5ක් සහ ඔක්තෝම්බර් මාසයේ පැවති ‘GCLL Season 4’ – online League of Legends Ranked තරඟාවලියේ game accounts හුවමාරු කරගත් එක් අයෙකු සහ එය වැලක්වීමට උත්සහ නොගත් තවත් තරඟකරුවන් 4ක් සඳහා Sri Lanka Esports Association එක මගින්  තරඟ තහනමක් පනවා ඇත.

මෙලෙස ‘Battle of the Mortal Gods’ හිදී අවුරුද්දක තරඟ තනහමට ලක්වුණු තරඟකරුවන්ගේ  විස්තර පහත දැක්වේ : 

Team name: DeP – Team Singularity

Team members: 

Ishan Subode – Carl : අවුරුද්දක තරඟ තනහමක් 
Dilshan Pramode – [R]eclusion† : අවුරුද්දක තරඟ තනහමක් 
Ashan Perera – Ace : අවුරුද්දක තරඟ තනහමක් 
Hirushan Ranawaka – Monto : අවුරුද්දක තරඟ තනහමක් 
Kavindu Lakshitha – GateOfHeaven : අවුරුද්දක තරඟ තනහමක් 

තවද ‘GCLL Season 4’ හිදී අවුරුද්දක තරඟ තහනමට ලක්වූ තරඟකරුවා සහ මාස 6ක තරඟ තනහමට ලක්වුණු තරඟකරුවන්ගේ  විස්තර පහත දැක්වේ : 

 

Team name: PnX – Griomoire Heart

Don Jehan Jayamaha – Jehan XD : අවුරුද්දක තරඟ තනහමක් 

Harivarshan Selvarajah – TheUnseeenBlade : මාස 6ක තරඟ තනහමක් 
Chachi Chathurka – Havi 165cm 52kg : මාස 6ක තරඟ තනහමක් 
Kavinash Ravishka – Sharingan user : මාස 6ක තරඟ තනහමක් 
Waleeth Ahmed – Deathly Lee : මාස 6ක තරඟ තනහමක් 

මෙලෙස තරඟ තහනමට ලක්වූ අයට එම තරඟ තහනම් කාලය තුල Sri Lanka Esports Association හෝ Gamer.LK මගින් සංවිධානය කරන කිසිඳු තරඟාවලියකට සහභාගී වීමේ අවස්ථාව අහිමි වනු ඇත. 

දැනට තරඟ තහනම් ලද සියලු තරඟකරුවන් මෙතැනින් : https://gamer.lk/blacklist/

ශ්‍රී ලංකා නාමය නැවතත් International PUBG Mobile තරඟාවලියක අවසන් වටයට

ශ්‍රී ලංකා නාමය නැවතත් International PUBG Mobile තරඟාවලියක අවසන් වටයට

ලංකාවේ Noob Alliance FRag කණ්ඩායම මාලදිවයින, මොන්ගෝලියාව සහ ඉන්දියාව යන රටවල කණ්ඩායම් 125ක් අතරින් මාලදිවයිනේ E2S Gaming සංවිධානය කරපු E2S PUBGM Challengers Cup එකේ අවසාන වටයට ඒමට සමත් උනා. අවසන් වටය නොවෙම්බර් මස 5 වන දින පැවැත්වේ. 

අපි Team FRag එකේ ආදිල් හෆීස් ගෙන් මේ ජයග්‍රහණය ගැන විමසා සිටියා : 

E2S Challengers cup වගේ ලොකු තරඟාවලියකට සහභාගීවීම අපේ සිහින සැබෑ වීමක්. අපි මේ අද ඉන්න තැනට අවේ ගොඩක් බාදක එක්ක. අපිට ලොකූ ආඩම්බරයක් මේ තරඟාවලියේ ලංකාව නියෝජනය කරන එකම team එක අපි වීම. ඒක නිසා අපේ ලංකාවට මේ අභිමානය අරගෙන එන්න උත්සහ කරනවා. අවසන් වටයට එන්න පුළුවන් උන එක ලේසි පහසූ කාර්යයක් නම් නෙමෙයි. ඉතා අමාරු ප්‍රතිවධි කණ්ඩායම් ගොඩක් එක්ක සටන් කරලා තමයි අවසන් වටයට අවේ. අපි හැමදාමත් වගේ අපිව පොලබවගත්තේ “අපි global යන්නේ නැද්ද?” කියන වදන් ටික මතක් කරගනිමින්. 

මේක අවස්ථාවක් කරගන්න කමතයි තරඟාවලිය සංවිධානය කරපූ E2S Gaming and Personal Computers වලට ස්තුති කරන්න. තවද අපේ Esports clan එක වන Noob Alliance එකට පිටිපස්සෙන් ඉඳලා දුන්න සහයෝගයට ස්තුති කරන කරන අතර, අපේ කණ්ඩායමට දෙන්න පුළුවන් උපරිම සහයෝගය ඔවුන් ගෙන් ලැබුනා. අපිට සහයෝගය දක්වපූ හැමෝටමට ස්තුතී. අපිට ලංකාවේ හොඳම PUBG Mobile කණ්ඩායම වෙන්න අපි follow කරන මේ වදනත් මතක් කරන්න කැමතියි – “Your Love Makes us Strong, Your Hate makes us Unstoppable”

අවසන් වටයේ සිටින FRag කණ්ඩායමට අපි සුභ පතනවා.

තරඟකරුවන් 200කට ආසන්න සංක්‍යාවක් GCR6L එකට

තරඟකරුවන් 200කට ආසන්න සංක්‍යාවක් GCR6L එකට

ගිය වසරේ  Sri Lanka Cyber Games තමයි Rainbow 6 Siege පලවෙනි වතාවට ලංකාවේ Esports තරඟාවලියකට එකතුවුනේ. කණ්ඩායම් 20ක් online තේරීම් තරඟ වලට සහභාගීවුනි.

මේ අවුරුද්දේ R6 වර්ධනය වී ඇති බව Gamer.LK Clans Rainbow 6 Siege League එක සඳහා කණ්ඩායම් 33ක් සහභාගී වීමෙන් පෙනීයනවා. Sri Lanka Esports Association එක Ranked status එක මේ අවුරුද්දේ ජනවාරි R6 වලට ලබාදුන්නට පසුව පවතින පළමු R6 තරඟාවලිය මෙය වේ. 

GCR6L ගැන තවත් තොරතුරු දැනගන්න අපේ Facebook පිටුව follow කරන්න.

කලහකාරී ලෙස හැසිරුණ තරඟකරුවන් කිහිපදෙනකුට මාස 9ක තරඟ තහනමක්

කලහකාරී ලෙස හැසිරුණ තරඟකරුවන් කිහිපදෙනකුට මාස 9ක තරඟ තහනමක්

මාර්තු මාසයේදී Gamer.LK විසින් සංවිධානය කරනු ලැබූ King’s of LAN – Call of Duty 4 තරඟාවලියට බාධා වන අයුරින් සහ එම තරඟාවලිය පැවැත්වූ ස්ථානය අවට ජනතාව අපහසුතාවයට පත්කරමින් ඉතා කලහකාරී ලෙස හැසිරුණ තරඟකරුවන් 6 දෙනෙකුට මාස 9ක තරඟ තහනමක් සහ තවත් එක් අයකුට මාස 12ක තරඟ තහනමක්.

මාස 9ක තරඟ තහනමට ලක්වූ අය පහත පරිදි වේ : 

Shihan Morais
Ravindu Aravinda
Thushan Dissanayake
Dinesh Jayathunga
Dinesh Kumara
Udith Madushan

මේ අතර, පෙර අවස්ථා කිහිපහකදී අවවාද ලද එක් අයකු සඳහා මාස 12ක තරඟ තහනමක් පනවා ඇත. ඔහු නමින් :

Milinda Madusagara

මෙම තරඟකරුවන්ට මෙම කාලසීමාව තුල Sri Lanka Esports Association එක හෝ Gamer.LK මගින් සංවිධානය කරනු ලබන කිසිම තරඟයකට ඇතුළු වීමට හෝ සහභාගී වීමට අවසර නොමැත.

මෙවැනි කලහකාරී තත්වයන් කිසිසේත් අප විසින් අනුමත නොකරන අතර, මින් ඉදිරියේද මෙවන් අවස්ථාවන් ඇති නොවන අයුරින් වගකීමෙන් කටයුතු කරනමෙන් සෑම කෙනෙක්ගෙන්ම ඉල්ලා සිටිනවා.